“Sputnik Azərbaycan” agentliyinin redaktorları istefa verdi

05.08.2022,11:57


5 avqust, Fineko/abc.az. “Sputnik Azərbaycan” agentliyinin rusdilli versiyasının redaktorları Rusiya Müdafiə Nazirliyinin “Qisas əməliyyatı” zamanı Azərbaycanın guya atəşkəs rejimini pozması ilə bağlı məlumatını dərc etməkdən imtina edərək istefa verib.

Bu barədə ABC.AZ yerli mətbuata istinadla xəbər verir ki, nəşrin redaktorları Zülfiyyə Qurbanova, Cəmilə Əfəndiyeva, Yelena Starostina və Gülzar Mustafayeva sosial şəbəkələrdə yazıblar ki, onlar Azərbaycan vətəndaşı olduqları üçün Sputnik Azərbaycan-ın redaksiyasında bacardıqları qədər öz ölkələrinin maraqlarını müdafiə ediblər. Lakin indi onlar istefa verməyə məcburdurlar.

“Mən bir Azərbaycan Respublikasının vətəndaşı kimi buradakı işimdən utanmıram, hər şeydə vicdanım təmizdir. Bizi əymək istəyəndə biz buna son qoyub getdik”, – nəşrin keçmiş redaktoru Gülzar Mustafayeva yazıb.