Pirallahıda ümumi dəyəri 13,7 mln. manat olan zavod tikiləcək

16:35 - 5.08.2022


5 avqust, Fineko/abc.az. “Azərbaycan İnvestisiya Şirkəti” ASC (AİŞ) və “Diamed Development Group” MMC arasında infuzion məhlulların (su tərkibli dərman) istehsalı zavodunun tikilməsinə dair investisiya müqaviləsi imzalanıb.

Bu barədə ABC.AZ-a İqtisadiyyat Nazirliyindən məlumat verilib.

Layihə çərçivəsində əsasən natrium xlorid (0,9 faiz), ringer laktat və qlükoza (5 faiz) məhsullarının istehsalı nəzərdə tutulur. Layihənin iqtisadi cəhətdən səmərəli və rentabelli olması, eləcə də idxaldan asılılığın azaldılması və yerli istehsala dəstəyi nəzərə alınmaqla AİŞ tərəfindən zavodun tikintisinin maliyyələşdirilməsinə dəstək göstərilməsi qərara alınıb.

Ümumi dəyəri 13,7 milyon manat olan layihədə AİŞ-in payı 20 faizdir.

Pirallahı rayonunda yerləşəcək, illik istehsal gücü 20 milyon ədəd məhsul olan müəssisədə 100 nəfərədək yeni iş yerinin yaradılması nəzərdə tutulur.

Bütün xəbərlər