16:52 - 19.08.2022

---

19 avqust, Fineko/abc.az. Avqustun 31-i saat 11:00-da “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan “Dəmirbank” ASC-nin balansındakı daşınmaz əmlak açıq hərraca çıxarılacaq.

ABC.AZ Fonda istinadla xəbər verir ki, daşınmaz əmlak Quba rayonu, Zərdabi qəsəbəsi ünvanında 0,12798 hektar torpaq sahəsində yerləşən (ü/s 1221,4 kvadratmetr) qeyri-yaşayış sahəsidir.

Daşınmaz əmlakın ilkin satış qiyməti 170 min manatdır. Satış qiymətinin 5 faizi həcmində beh hərrac təşkilatına, həmçinin alış qiyməti 7 təqvim günü ərzində sifarişçinin hesabına ödənilməlidir.
Hərracda iştirak etmək istəyənlər üçün əlaqə vasitələri : Tel: 055-206-66-67, Ünvan: Bakı şəhəri, Səbail rayonu, Badamdar qəsəbəsi, Badamdar şosesi 27