12 aprel 2018-ci il tarixində elan edilmiş müsabiqə üzrə müsahibədə qeydə alınmış namizədlərin nəzərinə!

21:44 - 4.06.2018


4 iyun, Fineko/abc.az. Dövlət İmtahan Mərkəzi tərəfindən vakant inzibati vəzifələr üzrə dövlət qulluğuna qəbul üçün 12 aprel 2018-ci il tarixində elan edilmiş müsabiqə üzrə müsahibədə qeydə alınmış namizədlərlə müsahibələrin keçirilmə qrafiki müəyyən edilmişdir. Namizədlərlə müsahibələrin Dövlət İmtahan Mərkəzinin Bakı şəhərində və regionlarda yerləşən inzibati binalarında keçirilməsi nəzərdə tutulur.

Müsahibələrin Maliyyə Nazirliyi, Kənd Təsərrüfatı Nazirliyi, Təhsil Nazirliyi, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və məhkəmə orqanları üzrə elan edilmiş vakant vəzifələri əhatə etməklə 11 - 29 iyun 2018-ci il tarixlərində keçirilməsi nəzərdə tutulur.

Müsabiqəyə çıxarılan vəzifələr arasında daha çox rəqabət Maliyyə Nazirliyinin Bakı şəhəri üzrə Baş Maliyyə İdarəsinin Büdcə sektorunda böyük məsləhətçi (1 vakant yer üzrə 45), Xəzinə əməliyyatlarının uçotu sektorunda böyük məsləhətçi - mühasib ekspert (1 vakant yer üzrə 31), Sosial sahələrdə büdcədənkənar fondların maliyyəsi sektorunda məsləhətçi (1 vakant yer üzrə 30), Təhsil Nazirliyinin Bakı şəhəri üzrə Təhsil İdarəsində aparıcı məsləhətçi (2 vakant yer üzrə 39) vəzifələri üzrə müşahidə edilir.

Təqdim etdiyimiz məlumatlardan göründüyü kimi ən yüksək müsabiqə vəziyyəti Maliyyə Nazirliyi ( 17 vakant vəzifə üzrə 277 müraciət), ən aşağı isə Kənd Təsərrüfatı Nazirliyi ( 434 vakant vəzifəyə 31 müraciət) üzrə müşahidə edilib.

12 aprel 2018-ci il tarixində elan edilmiş müsabiqə üzrə qeydə alınmış namizədlərlə müsahibələrin keçirilmə qrafikinə dair ətraflı məlumatı buradan əldə edə bilərsiniz.

Bütün xəbərlər