14:20 - 22.11.2022

---

22 noyabr, Fineko/abc.az. Azərbaycanda qarabaşaq və mərcinin 1 kiloqramının qiymətində ötən ilin oktyabr ayı ilə carı ilin oktyabr ayı ilə müqayisədə 1 manat civarında artım olub.

ABC.AZ xəbər verir ki, qarabaşağın 1 kiloqramının ortalama və idxal qiymətləri ötən ilin oktyabr ayı ilə müqayisədə 1 manat 11 qəpik, yəni 39,2% artıb və cari ilin oktyabr ayında 3 manat 94 qəpik olub.

Mərcinin qiymətində də hər üç göstərici üzrə 90 qəpiyə yaxın artım qeydə alınıb. Belə ki, 1 kiloqram mərcini orta qiyməti ötən ilin oktyabr ayı ilə müqayisədə 86 qəpik, yəni 28,1% artıb və 3 manat 92 qəpik təşkil edib.

Yerli mərcinin qiyməti 87 qəpik, yəni 29,5% artaraq 3 manat 82, qəpik, idxal edilən mərcinin qiyməti isə  89 qəpik və ya 28,2% faiz artaraq 4  manat 04 qəpiyə yüksəlib.