14:58 - 22.11.2022

---

22 noyabr, Fineko/abc.az. Dünya bazarında son on illiklər ərzində ən kəskin gümüş qıtlığının yarandığı elan edilib.

ABC.AZ xarici mətbuata istinadən xəbər verir ki, bunu mütəxəssislər bildirib.

Onlar qeyd edib ki, gümüşə tələbatın kəskin artması sayəsində dünya bazarında son on illiklər ərzində ən ciddi gümüş defisiti yaranüıb və bu vəziyyət getdikcə pisləşəcək.

Ekspertlər hesab edir ki, gümüş dünya iqtisadiyyatının çoxsaylı sənayelərində istifadə edilir. Fotoqrafiya istisna olmaqla, bütün sahələrdə gümüşə tələbatın maksimuma çatacağı gözlənilir.

Gümüşün pərakəndə satışına tələbat isə 18% artacaq, bunun səbəbi Ukraynadakı müharibə, inflyasiya və iqtisadi böhrandır.

2022-ci ildə Çin, Rusiya və Peruda gümüş istehsalı azalacaq, əvəzində Meksika və Çilidə hasilatın artması gözlənilir. Nəticədə dünyada gümüş hasilatı 1%-də olsa artacaq.