Azərbaycanda Bankın əmlakı satışa çıxarılacaq – Bu tarixdə

28.11.2022,16:42


28 noyabr, Fineko/abc.az. Dekabrın 7-si saat 11:00-da “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan “Atabank” ASC-nin balansındakı daşınmaz əmlak təkrar açıq hərraca çıxarılacaq.

Fonddan ABC.AZ-a bildirilib ki, daşınmaz əmlak Xaçmaz rayonu, Heydər Əliyev prospekti 33B ünvanında yerləşən qeyri-yaşayış binasıdır.

Daşınmaz əmlakın təkrar hərracdakı ilkin satış qiyməti 34 min 425 manatdır. Satış qiymətinin 5 faizi həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına köçürülməlidir.

Açıq hərracda iştirak etmək üçün lazımi sənədlər: F/Ş şəxsiyyət vəsiqəsi, H/Ş təsis sənədləri. Ünvan: Bakı şəhəri, Səbail rayonu, Badamdar qəsəbəsi, Badamdar şoşşesi 27 (“AVİS” aptekin arxası). Tel: 055-206-66-67