Bu nəqliyyat dəhlizinin Azərbaycan hissəsində 9 ayda 37 milyondan çox ton yük daşınıb

10:52 - 29.11.2022

29 noyabr, Fineko/abc.az. Cari ilin yanvar-sentyabr aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 37 milyon 829,6 min ton, yük dövriyyəsi isə 9 milyard 435,5 milyon ton-kilometr olub.

Dövlət Statistika Komitəsindən ABC.AZ-a bildirilib ki, yüklərin 20 milyon 376,1 min tonu və ya 53,9 faizi avtomobil nəqliyyatı, 12 milyon 435,7 min tonu və ya 32,9 faizi dəmir yolu nəqliyyatı, 5 milyon 17,8 min tonu və ya 13,2 faizi dəniz nəqliyyatı ilə daşınıb.

Dəhliz vasitəsilə daşınmış yüklərin 27,4 faizini və ya 10 milyon 352,5 min tonunu tranzit yüklər təşkil edib.

 

Bütün xəbərlər