Rusiyada təbii qaz bahalaşıb

01.12.2022,11:32

1 dekabr, Fineko/abc.az. Rusiyada sosial durum hər gün daha da pisləşir, qiymətlər isə durmadan artır.

ABC.AZ xəbər verir ki, ölkədə təbii qaz da bahalaşıb.

Belə ki, hökumətin sərəncamına əsasən, Rusiyada dekabrın 1-dən əhali üçün təbii qaz 8,5%, elektrik enerjisi 9% bahalaşdırılıb.

Rusiya hökuməti əhali üçün mənzil-kommunal xidmətlərin tariflərinin indeksləşdirilməsini 2023-cü il iyulun 1-dən 2022-ci il dekabrın 1-nə keçirib.

Hökumət tariflərin artırılmasını kommunal infrastrukturun yenilənməsi zərurəti və əvvəlki indeksasiyaların inflyasiyadan geri qalması ilə izah edib.

Qərara əsasən, sənaye üçün də qazın qiyməti 8,5% artıb.