Azərbaycanda dövlət xətti ilə kirayəyə verilən bu qədər mənzil var

01.12.2022,16:19


1 dekabr, Fineko/abc.az. Azərbaycanda dövlət xətti ilə kirayəyə verilən mənzillərin sayı 2900-ə çatıb.

ABC.AZ xəbər verir ki, bu barədə layihənin icraçısı olan İpoteka və Kredit Zəmanət Fondundan bildirilib.

Fondun məlumatına görə, dekabrın 1-ə olan məlumata görə, kirayəçilərin istifadəsinə verilən yaşayış sahələrinin sayı 2 900-ə çatıb.

Bundan başqa, fondun verdiyi ipoteka kreditlərinin sayı 41 898-ə, belə kreitlərin məbləği isə 2 milyard 386 milyon 160 min manata çatıb.

Qeyd edək ki, İpoteka və Kredit Zəmanət Fondu həm də biznes subyektləri və sahibkarlar üçün kredit zəmanət xidməti göstərir. Fondun açıqlamasına görə, indiyədək zəmanət verilmiş kreditlərin ümumi məbləği 331 milyon 176 min manat təşkil edib.