Milli Məclis “Mikro, kiçik və orta sahibkarlığın inkişafı haqqında” qanunu təsdiqləyib

02.12.2022,15:32


2 dekabr, Fineko/abc.az. Milli Məclis “Mikro, kiçik və orta sahibkarlığın inkişafı haqqında” qanun layihəsini üçüncü oxunuşda təsdiqləyib.

ABC.AZ xəbər verir ki, qanun layihəsi parlamentin dekabrın 2-də keçirilən plenar iclasının gündəliyinə daxil edilib.

Qanun 5 fəsil, 15 maddədən ibarətdir.

Qanunun hazırlanmasında beynəlxalq təcrübədən geniş istifadə olunub.

Burada məqsəd əlverişli ekosistemin yaradılması, investisiya və innovasiyaların stimullaşdırılması, bazarlara çıxışa dəstək, ÜDM-də məşğulluğun qeyri-neft sektorunda KOB-ların payının daha da artırılmasından ibarətdir.

Qanunun əsas istiqamətləri KOB-lara yerində xidmət, optimal vergi siyasəti, prosedurların daha da sadələşdirilməsi, bilik və bacarıqların artırılması, maliyyə resurslarından çıxışın asanlaşdırılmasıdır.