Abşeron Mərkəzi Xəstəxanasına yeni Baş həkim təyin olundu

14:42 - 28.12.2022


28 dekabr, Fineko/abc.az. Azər İsmayılov Abşeron Rayon Mərkəzi Xəstəxanasına direktor təyin edilib.

ABC.AZ xəbər verir ki, Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov bununla bağlı əmr imzalayıb. Yeni direktor bu gün kollektivə təqdim olunub.

V.Qurbanov mərasimdə Abşeron Rayon Mərkəzi Xəstəxanasında keyfiyyətli tibbi xidmətin fasiləsiz təmin edilməsi, pasiyent məmnunluğunun artırılması istiqamətində müvafiq göstərişlərini və tapşırıqlarını verib.

Qeyd edək ki, A.İsmayılov 2005-ci ildə Azərbaycan Tibb Universitetinin Müalicə-profilaktika fakültəsini bitirib. 2006-2010-cu illərdə Naxçıvan Dövlət Universitetinin Hüquq fakültəsində təhsilini davam etdirib.

Bütün xəbərlər