Azərbaycan İnvestisiya Şirkətinin bu qədər investisiya portfeli vəsaiti var

17:31 - 13 Yanvar 2023


13 yanvar, Fineko/abc.az. Azərbaycan İnvestisiya Şirkətinin (AİŞ) fəaliyyətinin səmərəliliyinin artırılması qarşıdakı hədəflərimizdən biridir.

ABC.AZ xəbər verir ki, bu barədə iqtisadiyyat naziri Mikayıl Cabbarov deyib.

Nazir bildirib ki, ötən il şirkətin əməliyyat xərcləri optimallaşdırılıb, əsas investisiya alt-portfeli və likvidlik alt-portfeli üzrə gəlirlilik göstəriciləri artıb.

2022-ci ilin sonuna Azərbaycan İnvestisiya Şirkətinin investisiya portfeli və qərar verilmiş investisiyalar üzrə maliyyə məbləği 240,3 milyon manat təşkil edib.