Gələn ay daha 12 faydalı qazıntı yatağı hərraca çıxarılacaq

15:07 - 17.01.2023


17 yanvar, Fineko/abc.az. “2021-ci ildən etibarən yer təki sahələri hərrac vasitəsilə istifadəyə verilib”.

ABC.AZ xəbər verir ki, bunu Geoloji Kəşfiyyat Agentliyinin İdarə Heyətinin sədri Əli Əliyev jurnalistlər üçün keçirilən brifinqdə deyib.

O bildirib ki, 2021-ci ildə 84 yataq sahəsi, 2022-ci ildə isə 92 yataq sahəsi üzrə hərrac keçirilib:

“Hərracların keçirilməsində məqsəd ölkənin tikinti materiallarına olan daxili tələbatın ödənilməsi və bu sahədə azad rəqabət mühitinin formalaşdırılmasıdır. 90 qum-çınqıl, 56 əhəng-mişardaşı, 11 qum yağı, 5 gil yatağı və s. hərrac vasitəsilə istifadəyə verilib. 2023-cü ildə 8 yataq sahəsində hərrac keçirilib, fevral ayının 15-də daha 12 yataq sahəsində hərracın keçirilməsi planlaşdırılır”.

Bütün xəbərlər