10:28 - 24.01.2023

---

24 yanvar, Fineko/abc.az. Asiya İnkişaf Bankı (AİB) Mərkəzi Asiyadan olan bu valyutada denominasiya edilmiş ilk istiqrazın emissiyası üçün 8,4 milyon Azərbaycan manatına yaxın (təxminən 4,9 milyon ABŞ dolları) vəsait cəlb edib.

ABC.AZ xəbər verir ki, bu barədə AİB-dən bildirilib.

Məlumata görə, valyuta əsaslı istiqraz kimi formalaşdırılan emissiya Azərbaycan manatında ifadə edilib, lakin ABŞ dolları ilə hesablanıb.

İstiqrazın strukturu AİB-ə aidiyyəti layihədə yarana biləcək valyuta risklərini tam şəkildə minimallaşdırmağa və lazım olan vəsaiti dollarla cəlb etmək üçün daha çox investora çıxış əldə etməyə imkan verir.

İstiqrazların tədavül müddəti 2,5 il, sabit faiz gəlirliliyi isə 6 faizdir. Lüksemburq Birjasında yerləşdirilən istiqrazları “Goldman Sachs International” təşkil edib və “Capitulum Asset Management GmbH” bütün bu istiqrazlara abunə olub.