10:58 - 26.01.2023

---

26 yanvar, Fineko/abc.az. Çexiyadakı “Raiffeisenbank” 2023-cü il fevralın 15-dən etibarən Rusiya və Belarusa gedən ödənişləri dayandıracaq.

ABC.AZ xəbər verir ki, Bank müştərilərinə müvafiq bildirişi yanvarın 25-də göndərib.

Bildirilir ki, qərar gedən əməliyyatın valyutasından asılı olmayaraq bütün ödənişlərə və kart əməliyyatlarına şamil edilir. Əvvəllər bu cür ödənişlərin monitorinqi aparılıb və mövcud sanksiya qaydalarına uyğunluğu qiymətləndirilib, lakin Ukraynadakı vəziyyətlə əlaqədar bank onları etməyi dayandırmaq qərarına gəlib.

Eyni zamanda, daxil olan ödənişlər “sanksiyalar üzrə mövcud qaydalara və bankın sanksiya siyasətinə zidd olmadıqda” qəbul ediləcək.