Bu ilin yanvar ayı üçün Azərbaycanın ümumi ixracı açıqlanıb

17:08 - 7 Fevral 2023

7 fevral, Fineko/abc.az. İxrac İcmalının fevral sayı ilə bağlı statistika təqdim olunub.

ABC.AZ “İxrac icmalı”nın fevral sayına istinadən xəbər verir ki, 2023-cü ilin yanvar ayında Azərbaycanın ümumi ixracı 1,9 milyard ABŞ dolları, qeyri-neft sektoru üzrə ixrac 284,5 milyon ABŞ dolları təşkil edib.

Qeyri-neft sektoru üzrə ixrac 2022-ci ilin müvafiq dövrü ilə müqayisədə 22,6% artıb.

2023-cü ilin yanvar ayı ərzində yeyinti məhsulları üzrə ixrac 64,3 milyon ABŞ dolları, qeyri-yeyinti məhsulları üzrə isə 220,2 milyon ABŞ dollarına bərabər olub.