11:35 - 9 Fevral 2023

---

9 fevral, Fineko/abc.az. Gəncə şəhərində 2022-ci ilin yanvar-dekabr aylarında ictimai iaşə dövriyyəsinin həcmi əvvəlki ilin eyni dövrü ilə müqayisədə 37,0 faiz artaraq 32 milyon 842,1 min manat təşkil edib.

ABC.AZ Gəncə Şəhər Statistika İdarəsinə istinadən xəbər verir ki, dövriyyənin 22 milyon 731,8 min manatı fiziki şəxslərin hesabına təmin olunub.

2022-ci ilin yanvar-dekabr aylarında əhaliyə göstərilən ödənişli xidmətlərin dəyəri 2021-ci ilin müvafiq dövrünə nisbətən real ifadədə 8,0 faiz artaraq 358 milyon 553,4 min manat təşkil edib. Hüquqi şəxslər tərəfindən əhaliyə 92 milyon 871,3 min manatlıq xidmət göstərilmiş və xidmətlərin ümumi dəyərinin 25,9 faizini təşkil edib. Ödənişli xidmətlərin 18,5 faizi dövlət, 81,5 faizi isə qeyri-dövlət mülkiyyətindən ibarət olub.

Yanvar-dekabr aylarında əhalinin hər bir nəfəri orta hesabla 132,1 manatlıq və ya ötən ilin müvafiq dövrü ilə müqayisədə 61,9 manat çox müxtəlif ödənişli xidmətlərdən istifadə edib.