Neft bahalaşır, Brent bir barelə $78,35 təşkil edir

09:05 - 29.03.2023

29 mart, Fineko/abc.az. Neftin etalon markalarının qiyməti çərşənbə günü hərracda artır.

Brent markalı neftin iyun fyuçerslərinin qiyməti London İCE Futures birjasında saat 09:00–da $0,21 (0,27%) artaraq bir barelə $78,35-a çatıb. Martın 28 - də Brent markalı neftin iyun fyuçersləri $0,38 (0,49%) artaraq bir barelə $78,14-a çatıb.

Saat 09:00-da Nyu-York əmtəə birjasının (NYMEX) elektron ticarətində WTI neftinin may fyuçerslərinin qiyməti $0,41 (0,56%) artaraq bir barelə $73,61-a yüksəldi. Martın 28-də keçirilən hərracların nəticələrinə görə, WTI neftinin may fyuçerslərinin qiyməti $0,39 (0,54%) artaraq bir barel üçün $73,20-a çatıb.

Ötən həftənin nəticələrinə görə, Brent markalı neft 2,50%, WTI nefti isə 3,48% bahalaşıb.