15:32 - 29.03.2023

---

29 mart, Fineko/abc.az. “Mərkəzi Bankın uçot dərəcəsini artırması inflyasiya ilə mübarizə məqsədi ilə atılmış addımdır".

ABC.AZ xəbər verir ki, bunu iqtisadçı Əkrəm Həsənov Mərkəzi Bankın yenidən uçot dərəcəsinin artırılması ilə bağlı verdiyi qərarı şərh edərkən deyib.

İqtisadçı qeyd edib ki, Mərkəzi Bankın uçot dərəcəsi banklara verdiyi kreditin faiz dərəcəsidir:

“Mərkəzi Bank bununla qiymət artımı ilə mübarizə aparır. Yəni, kredit faizini artırır ki, banklarda krediti daha yüksək faizlə versin, krediti az götürsünlər, dövriyyədə pul həcmi azalsın. Bununla da dolayısı ilə qiymət artımının müəyyən qədər qarşısı alınsın. Mərkəzi bankların çoxu bu alətdən istifadə edir ki, qiymət artımının qarşısını alsın. Amma bunun nəticəsi birmənalı deyil. Bizdə iri inhasarçı banklar var ki, onların pulu çoxdur. Heç bilmirlər ki, o pulları nə etsinlər, hara yerləşdirsinlər. Amma uçot dərəcəsinin artırılması kiçik və orta banklar üçün problem ola bilər”.