Depozitlər əsasən 1-3 il arasında yerləşdirilib – Mərkəzi Bank

17:09 - 31.03.2023


31 mart, Fineko/abc.az. Öhdəliklərin tərkibi və müddət strukturu uzunmüddətli aktivlərin yaradılmasını məhdudlaşdırır. Biznes və istehlak kreditlərinin əsas hissəsi 5 ilədək verilən kreditlər təşkil etdiyi halda, depozitlər isə əsasən 1-3 il arasında yerləşdirilib.

ABC.AZ xəbər verir ki, bu, Mərkəzi Bankın 2022-ci il üzrə Maliyyə Sabitliyi hesabatında bildirilir.

Qeyd edilib ki, habelə, sektorun depozit portfelinin 60%-nin tələbli depozitlər hesabına formalaşması bankların iri həcmdə likvidlik saxlamasını şərtləndirməklə bankların uzunmüddətli dövrdə iqtisadiyyatı maliyyələşdirmə imkanlarını məhdudlaşdırır.

Bank sisteminin maliyyələşməsində hüquqi və fiziki şəxslərin depozit portfeli aparıcı rol oynamaqdadır. Ötən il ərzində sektorun depozit portfeli 25.1% (6.8 mlrd. manat) artaraq 33.8 mlrd. manat təşkil edib. Depozit portfelinin həcmi bank sektorunun öhdəliklərinin 81.5%-i təşkil edir. Depozit portfelinin 66%-i hüquqi şəxslərin depozitləri (22.3 mlrd. manat), 34%-i isə fiziki şəxslərin depozit portfeli (11.5 mlrd. manat) təşkil edir. Sektorun depozit portfeli əsasən tələbli depozitlər hesabına formalaşmışdır (portfelin 74%-i). Bank sisteminin maliyyələşməsində tələbli depozitlərin yüksək payı sektorun iri həcmdə likvidlik buferi saxlamasını şərtləndirir.

Bütün xəbərlər