16:44 - 26.05.2023

---

26 may, Fineko/abc.az. Dünyanın ən çox ekoloji cəhətdən təmiz çimərliklərə malik ilk 3 ölkəsinin adı açıqlanıb.

ABC.AZ İndex-ə istinadən xəbər verir ki, bu barədə “Dünya” nəşri məlumat yayıb.

Məlumata görə, “Mavi bayraq”la işarələnmiş ən çox çimərlik sayına malik ilk 3 ölkə məlum olub.

Beləliklə, İspaniya ekoloji cəhətdən ən təmiz çimərliklərə malik ölkəyə çevrilib.

Yunanıstan bu reytinqdə ikinci, Türkiyə isə üçüncü yeri tutub.

İlk 5-likdə İtaliya və Fransanın adları da var.

Qeyd edək ki, “Mavi bayraq” ekoloji təmizliyin əlaməti hesab edilir. Belə ki, ümumilikdə 551 çimərlik, 23 yaxta marinası, 41 turist kateri və 10 şəxsi yaxta onu qəbul edib.