"Bolmart" hesabat açıqladı - 1 ildə cəmi 27,4 min manat gəliri olub

10:47 - 31.05.2023


31 may, Fineko/abc.az. Tanınmış ticarət şəbəkələrindən olan "Bolmart"ın məxsus olduğu "Pro Mart" MMC illik hesabatını açıqlayıb.

ABC.AZ hesabata istinadən xəbər verir ki, 2022-ci ildə "Bolmart"ın satış dövriyyəsi, yəni satışdan əldə edilən ümumi gəlirlər 141 milyon manat, satışın maya dəyəri isə 127,3 milyon manat olub.

2021-ci illə müqayisədə satış gəlirləri 32 milyon manat və ya 29% artıb. Satışın maya dəyəri isə 28 milyon manat və ya 28% artıb.

Şirkətin ümumi və inzibati xərcləri isə 13 milyon 191 min manat olub – 2021-ci illəı müqayisədə 3 milyon manat və ya 30% artıb.

Şirkətin vergidən əvvəlki mənfəəti 34,3 min manat olub, 6,9 min manat mənfəət vergisi ödənişindən sonra 2022-ci ildə "Bolmart"ın xalis mənfəəti cəmi 27,4 min manat təşkil edib.

Bütün xəbərlər