12:20 - 31.05.2023

---

31 may, Fineko/abc.az. Dünyada bir çox şirkətlər var ki, təklif etdikləri həllər ilə fərq yaradır, bununla yanaşı paylarını artıraraq diqqəti cəlb edirlər.

ABC.AZ dünyanın trilyon dollarlıq nəhənglərini təqdim edir:

Nvidia

ABŞ-ın çip istehsalçısı “Nvidia”nın hazırda bazar dəyəri 1 trilyon dollara çatıb.

Apple

ABŞ-ın texnologiya nəhəngi “Apple”in bazar dəyəri 2018-ci ilin avqust ayında 1 trilyon dollara yüksəlib. Bununla da, “Apple” tarixdə bu səviyyəyə çatan ilk şirkət olub. Mayın 30-na olan məlumata görə, “Apple”in bazar dəyəri 2,8 trilyon dollardır.

Amazon

E-ticarət nəhəngi “Amazon”un bazar dəyəri 2018-ci ilin sentyabrında 1 trilyon dollara çatıb. “Amazon” buna nail olan ikinci şirkət oldu.

Alphabet

“Google”un sahibi olan “Alphabet”, 2020-ci ilin yanvar ayında bir trilyon dollarlıq bazar dəyərinə sahib idi. “Alphabet”ABŞ-da “Apple” və “Microsoft”dan sonra bu həddi keçən üçüncü şirkət oldu.

Aramco

Səudiyyə Ərəbistanının neft şirkəti “Aramco”, 2019-cu ilin dekabrında kütləvi təklifdən sonra ticarətə başladığı ikinci gündə gündəlik limitə qədər 10% artaraq 2,06 trilyon dollar bazar dəyərinə çatdı.

Microsoft

ABŞ-ın texnologiya nəhəngi “Microsoft”un bazar dəyəri 2019-cu ilin aprelində 1 trilyon dollara çatıb.

Meta

“Meta”nın bazar dəyəri 2021-ci ilin iyun ayında 1 trilyon dollara çatdı.

Tesla

ABŞ-ın elektron avtomobil istehsalçısı “Tesla”nın bazar dəyəri 2021-ci ilin oktyabrında 1 trilyon dolları keçib