Azərbaycanda unun qiyməti ucuzlaşdı

17:12 - 6.06.2023

6 İyun, Fineko/abc.az. Azərbaycanda unun qiyməti ucuzlaşıb. 

ABC.AZ xəbər verir ki, bu barədə Valyuta.az-a "Karat Holdinq" MMC-dən məlumat verilib. 

Şirkətdən verilən məlumata görə, hazırda 50 kiloluq un kisəsi 32 manat 70 qəpiyə satılır.

Şirkət əməkdaşı 50 kiloluq unun bir ay öncə 34 manat 10 qəpik və 33 manat 60 qəpik arasında satıldığını bildirib.

"Mehriban” istehsalı olan 50 kiloluq un kisələrinin qiymətinin isə 40 manatdan 32 manata düşdüyü vurğulanıb.