Dövlətin Xəzinəsi bu il yerli investorlardan 800 milyon manatdan çox borc alıb

11:12 - 8.06.2023

8 iyun, Fineko/abc.az. 2023-cü ilin ilk 5 ayında Maliyyə Nazirliyi dövlət istiqrazlarının yerləşdirilməsi yolu ilə yerli kapital bazarından 801 milyon 583 min manat cəlb edib.

ABC.AZ Bakı Fond Birjasına istinadən xəbər verir ki, dövlət istiqrazlarının yerləşdirilməsi yolu ilə cəlb edilən vəsaitin məbləği 2023-cü ilin yanvar-may dövründə ötən ilin eyni dövrü ilə müqayisədə 259 milyon 817 min manat və ya 48% artıb.

2022-ci ilin ilk 5 ayında Maliyyə Nazirliyi dövlət istiqrazlarının yerləşdirilməsi yolu ilə 541 milyon 766 min manat cəlb etmişdi.