12:31 - 23.08.2023

---

23 avqust, Fineko/abc.az. Yanaraq yararsız hala düşmüş “Ferrari 500 Mondial Spider”, “Monterey Avtomobil Həftəsi” çərçivəsində keçirilən hərracda 1,9 milyon dollara satılıb.

ABC.AZ xəbər verir ki, qəzadan sonra yandığı deyilən avtomobilin qalıqları üçün birinin tam 1,9 milyon dollar verməsi inanılmaz görünsə də, cəmi 13 ədəd “500 Mondial Spider” istehsal edildiyi ifadə edilir.

1954-cü ilinə aid bu avtomobilin Pinin Farina tərəfindən 13 nümunədən istehsal edilən ikinci “Mondial Spider” olduğu açıqlanıb.

Kimliyi açıqlanmayan avtomobilin yeni sahibi hansısa yolla qəzanı bərpa edə, dəyərini 1,9 milyon dollardan çox yüksək səviyyəyə çatdıra bilər. Xəbər verildiyi kimi, kuzovun orijinal şassi nömrəsi belə qəzalarda əsas məqamlardan biridir. Beləliklə, avtomobillər tamamilə yenidən qurulduqdan sonra, onlar “Ferrari Classicche Departamenti”nin himayəsi altında rəsmi bərpaçı tərəfindən təsdiqlənə bilər, buna görə də onlar orijinal şassiyə yeni formada kimi təsnif edilir və bu, həqiqətən dəyərini çox artırır.