Azərbaycanda tütün istehsalı 3 dəfəyədək azalıb

10:54 - 26.09.2023

26 sentyabr, Fineko/abc.az. 2023-cü ilin yanvar-avqust aylarında Azərbaycanda 1 113,7 ton tütün istehsal edilib.

ABC.AZ xəbər verir ki, bu barədə Dövlət Statistika Komitəsinin hesabatı əsasında aparılmış hesabatda qeyd edilib. 

Belə ki,  əvvəlki ilin eyni dövrü ilə müqayisədə tütün istehsalı 1 927,7 ton və ya 63,4% (2,7 dəfə) azalıb.

2022-ci ilin yanvar-avqust aylarında bu göstərici 3 041,4 ton təşkil edib.

01.09.2023-cü il tarixinədək hazır məhsul ehtiyatı 598,9 ton olub.

Bu da keçən ilin eyni dövrü ilə müqayisədə 400 ton və ya 40%azdır.

01.09.2022-ci il tarixinədək hazır məhsul ehtiyatı 998,9 ton olub.

 

Bütün xəbərlər