12:38 - 26.09.2023

---

26 sentyabr, Fineko/abc.az. Azərbaycanda avqust ayında əhali banklarda olan əmanətlərinin bir hissəsini çıxarıblar.

ABC.AZ xəbər verir ki, bu barədə Azərbaycan Mərkəzi Bankının son yaydığı hesabatda qeyd edilib.

2023-cü ilin 1 sentyabr tarixinə əhalinin banklardakı əmanətləri 12 milyard 276 milyon manat olmaqla bir ay öncəki göstəricidən 153.35 milyon manat və ya 1.2% azdır.

Əhalinin depozitlərinin azalmasında səbəb tələbli depozitlərinin son bir ayda 199.24 milyon və ya 3.4% azalaraq 5 milyard 584.5 milyon manata düşməsidir. Müddətli depozitlər 45.89 milyon manat (0.7%) artaraq 6 milyard 691.5 milyon manata çatıb.

Xarici valyutada olan müddətli depozitlərin həcmi 1 sentyabr tarixinə 2 milyard 395.3 milyon manat və 2 milyard 133.4 milyon manat təşkil edib.