17:19 - 26.09.2023

---

26 sentyabr, Fineko/abc.az. BYD-nin premium markası “YangWang”, dörd elektrik mühərriki və 2,0 litrlik benzin mühərriki olan U8 adlı SUV modelinin bacarıqlarını nümayiş etdirib.

ABC.AZ-ın xarici mətbuata istinadən məlumatına görə, “YangWang”, U8 EREV (genişlənmiş çeşid) adlı böyük SUV modelini təqdim edib.

Avtomobilin hər təkərində elektrik mühərriki olduğundan, öz istifadəçisinə 880 kVt (1197 ag) təsir edici ümumi güc təklif edir.

Bununla belə, “YangWang”ın U8 modeli daha iki maraqlı xüsusiyyətə malikdir.

Belə ki, avtomobilin təkərləri müxtəlif istiqamətlərdə fırlanaraq avtomobili 360 dərəcə yerində döndərə bilir.

Bundan başqa, U8, modelinin standart versiyası 1 metr dərinliyə qədər sudan keçə bildiyi halda, “Offroad Master Edition” versiyası 1,4 metrə qədər daha dərin sulardan keçə bilir.