10:22 - 29.09.2023

---

29 sentyabr, Fineko/abc.az. Məşhur video-oyun tərtibatçısı “Epic Games” əməkdaşlarının böyük hissəsini ixtisar edəcək.

ABC.AZ xarici mətbuata istinadən xəbər verir ki, şirkət artıq işçilərinə qarşıdan gələn ixtisarlarla bağlı xəbərdarlıq edib.

Şirkət rəhbərliyi 870 nəfəri, yəni işçilərin təxminən 16%-ni, yəni 870 nəfəri ixtisar etmək niyyətindədir.

Xatırladaq ki, “Epic Games” məşhur “Fortnite” və “Unreal Engine” oyunlarının tərtibatçısıdır. Şirkətin istifadəçi bazası 400 milyon nəfəri ötür.

“Epic” son aylarda kütləvi ixtisarları elan edən oyun sektorunun ilk nümayəndəsi deyil. Keçən ay İsveçin oyun konqlomeratı “Embracer Group AB” İllinoys ştatında yerləşən “Volition”u bağlayıb. “Pokemon Go” oyununun istehsalçısı “Niantic Inc.” iyun ayında “Los Angeles” oyun studiyasını işçi qüvvəsinin təxminən 25%-ni ləğv edən yenidənqurma çərçivəsində bağladığını elan edib.