12:24 - 29.09.2023

---

29 sentyabr, Fineko/abc.az. Google internet resursu Azərbaycan xəritəsini redaktə edərək, Qarabağ İqtisadi Rayonunun ərazisindəki bütün erməni adlarını silib.

ABC.AZ Turan.az-a istinadən xəbər verir ki, buna qədər Google iki adı: erməni (Stepanakert, Martuni, Mardakert…) və Azərbaycan (Xankəndi, Xocavənd, Ağdərə) variantlarını birlikdə göstərirdi.

Azərbaycanlı istifadəçilərin və ictimai təşkilatların çoxsaylı etirazlarına baxmayaraq, Google-da yaşayış məntəqələrinin ikili adları qalırdı. İndi toponimlər Azərbaycan Respublikasının Konstitusiyasına uyğun olaraq, yalnız Azərbaycan variantında verilib.

Əlavə edək ki, Azərbaycan ordusunun həyata keçirdiyi antiterror əməliyyatı (19-20 sentyabr 2023-cü il) nəticəsində 28 sentyabr 2023-cü il tarixində Qarabağda separatçı rejim buraxıldığını elan edib. Erməni əhali bölgəni tərk edir.