14:28 - 3.10.2023

---

3 oktyabr, Fineko/abc.az. “Aqroservis” ASC nizamnamə kapitalını 20 milyon manat və yaxud 5,7% artırmağı planlaşdırır.

ABC.AZ xəbər verir ki, artımdan sonra qurumun nizamnamə kapitalı 351,599 milyon manatdan 371,599 milyon manata çatdırılacaq.

Kapital artımı üçün dövriyyəyə hər birinin nominal dəyəri 2 manat olan 10 milyon ədəd yeni səhm buraxılacaq.

Xatırladaq ki, “Aqroservis” 2005-ci ildən fəaliyyət göstərən “Aqrolizinq” ASC-nin bazasında 2020-ci ildə yaradılıb.