16:17 - 4.10.2023

---

4 oktyabr, Fineko/abc.az. Avropada ən çox tələbat olan peşələrin reytinqi hazırlanıb.

ABC.AZ xarici mətbuata istinadən xəbər verir ki, sözügedən məsələ ilə bağlı onlayn iş elanlarında aparılmış araşdırma nəticəsində ən çox axtarılan peşənin proqram təminatçısı olduğu üzə çıxıb.

İkinci yerdə mağaza satış köməkçiləri, üçüncü yerdə sistem analitikləridir. 

Ən çox axtarılan peşələr siyahısında dördüncü yerdə yükdaşıma sektorunda çalışanlar və növbəti sırada isə mühəndis mütəxəssisləridir. 

İstehsalat işçiləri də onlayn iş elanlarında ən çox axtarılan peşələr arasında 6-cı yerdədir. Sonrakı yerdə mühasibat işçiləri (2,1 faiz),  tədqiqat və inkişaf menecerləri (2 faiz) gəlir.

İnzibati və məsul katiblər, reklam və marketinq mütəxəssisləri ilk 10-luqdakı digər peşə qruplardır.