11:34 - 17.10.2023

---

17 oktyabr, Fineko/abc.az. “Qala Sığorta” ASC-nin Direktorlar Şurasında (DŞ) üzvlərdən biri şirkətdən çıxıb.

ABC.AZ şirkətə istinadən xəbər verir ki, üzvlükdən ayrılan şəxs Şamil Hüseynovdur.

Onun üzvlükdən ayrılmasından sonra sığorta şirkətinin Direktorlar Şurasının tərkibi 4 nəfər qalıb. Hazırda DŞ-nin sədri Kamal İbrahimov, sədr müavini Aydın Rəhmanov, DŞ-nin üzvü Aynur Bayraml və müstəqil üzv Elxan Gülməmmədovdur.

Qeyd edək ki, Şamil Hüseynov 2021-ci ildə “Qala Sığorta”nın Direktorlar Şurasının üzvü seçilib. O bu vəzifəyə qədər “Atəşgah Həyat”ın Direktorlar Şurasının üzvü olub.

Xatırladaq ki, “Qala Sığorta” 2015-ci ildə yaradılıb. Onun səhmlərinin 100%-i “AzRe Təkrar Sığorta” şirkətinə məxsusdur.