Azərbaycan bu məhsulun ixracından 110 milyon dollardan çox gəlir əldə edib

12:06 - 15.11.2023


15 noyabr, Fineko/abc.az. Cari ilin yanvar-sentyabr aylarında kənd təsərrüfatı məhsullarının ümumi istehsal həcmi 10 milyard manat olub ki, bunun da 5 milyard 457.3 milyon manatı bitkiçilik, 4 milyard 539.6 milyon manatı heyvandarlıq məhsullarının istehsalının payına düşüb. Kənd təsərrüfatı məhsulları sırasında fındıqçılıq mühüm yer tutub. İxrac potensialına görə, gərzəkli meyvələrə görə fındıq birinci yerdə qərarlaşıb.

ABC.AZ Apa-ya istinadən xəbər verir ki, bunu Kənd Təsərrüfatı Nazirliyinin aparat rəhbəri Azad Cəfərli “Fındıq potensialının artırılması: Məhsuldarlıq, keyfiyyət və ixrac həcminin artırılmasına innovativ yanaşmalar” mövzusunda beynəlxalq konfransda çıxışı zamanı deyib.

O qeyd edib ki, ötən il fındıq ixracından ölkəyə 110 milyon 643 min ABŞ dolları dəyərində valyuta daxil olub.

Bütün xəbərlər