10:18 - 22.11.2023

---

22 noyabr, Fineko/abc.az. İdxalatçı şirkət “Lime and Co” MMC-nin Rusiya Federasiyasından idxal etdiyi “İndyuşkin Dvor” MMC-nin istehsalı olan dondurulmuş hinduşka əti məhsulu partiyalarından Azərbaycan Qida Təhlükəsizliyi Agentliyi əməkdaşları tərəfindən götürülmüş nümunələrin müayinəsi nəticəsində salmonella aşkarlanıb.

ABC.AZ AQTA-ya istinadən xəbər verir ki, faktla bağlı qanunvericiliyə uyğun olaraq müvafiq tədbir görülüb. Həmçinin istehsalçının respublikamıza həmin məhsulu idxalına müvəqqəti qadağa qoyulub və ixracatçı ölkənin aidiyyəti qurumuna zəruri tədbirlərin görülməsi ilə bağlı müvafiq bildiriş göndərilib.