Bakının daha bir rayonunda binalar plana düşüb - Söküntü başlayır

11:12 - 27.11.2023


27 noyabr, Fineko/abc.az. Bakının daha bir rayonunda binalar plana düşüb.

ABC.AZ Baku.ws-ə istinadən xəbər verir ki, söhbət Qaradağ rayonu, Lökbatan qəsəbəsindəki Sovet dönəmində tikilən çoxmənzilli binalardan gedir.

28 May küçəsində yerləşən ikimərtəbəli binaların söküntüsünü icra edən şirkət həmin ərazidə hündürmətəbəli bina tikəcəyi üçün vətəndaşlara elə həmin binadan mənzillər təklif edib. Bundan əlavə binaların tikintisi başa çatanadək evləri sökülən vətəndaşlara 400 manat kirayə pulu da veriləcək.

Qeyd edək ki, sakinlərin bir çoxu şirkətin təklifini qəbul edərək evləri tərk ediblər.

Bütün xəbərlər