11:41 - 1.12.2023

---

1 dekabr, Fineko/abc.az. Beynəlxalq Turizm 2023-cü ilin sonuna qədər pandemiyadan əvvəlki səviyyənin 90% bərpa edəcək.

ABC.AZ xəbər verir ki, Ümumdünya Turizm Təşkilatı (UNWTO) ötən gün bildirib ki, yanvar-sentyabr aylarında dünyada turist səfərlərinin sayı təxminən 975 milyona çatıb ki, bu da 2022-ci ilin eyni dövrü ilə müqayisədə 38% çoxdur.

Üçüncü rübdə ölkələr ötən ilin eyni dövrü ilə müqayisədə 22% daha çox xarici turist qəbul edib. Beynəlxalq turizm səfərlərinin sayı pandemiyadan əvvəlki səviyyənin 91%-ə çatıb (pandemiya başlanandan bəri iyul ayında 92% təşkil edib).

Ümumilikdə, 2023-cü ilin yanvar-sentyabr aylarında turizm 2019-cu ilin səviyyəsinin 87%  bərpa olunub. Təşkilatın məlumatına görə, bu, sektorun ilin sonuna qədər təxminən 90% bərpa olunacağına əsas verir.

Orta Şərq sənayenin bərpasında lider olaraq qalır: 2023-cü ilin doqquz ayında burada turistlərin sayı pandemiyadan əvvəlki göstəricilərin 20%-ni ötmüşdür.