“Azəralüminium” MMC-nin xalis mənfəəti 8 faizə yaxın azalıb

15:22 - 1.12.2023


1 dekabr, Fineko/abc.az. “Azərbaycan Sənaye Korporasiyası” ASC-yə məxsus “Azəralüminium” MMC 2022-ci ili 27,715 milyon manat xalis mənfəətlə başa vurub.

ABC.AZ şirkətin maliyyə hesabatına istinadən xəbər verir ki, bu, 2021-ci illə müqayisədə 7,9 % azdır.

Ötən il “Azəralüminium”un vergiyəqədərki mənfəəti 34,75 milyon manat (əvvəlki ilə nisbətən 7,6 % az), mənfəət vergisi ödəmələri isə 7,036 milyon manat (6,4 % az) təşkil edib.

Bu il yanvarın 1-nə “Azəralüminium”un aktivləri 365,509 milyon manat olub ki, bu da illik müqayisədə 3,3 % çoxdur. Hesabat dövründə şirkətin öhdəlikləri 38,2 % azalaraq 23,948 milyon manata düşüb, balans kapitalı 8,4 % artaraq 341,561 milyon manata çatıb.

Bütün xəbərlər