“Azərbaycan Sənaye Korporasiyası” ASC Türkiyə kapitallı Banka depozit qoyub

17:14 - 1.12.2023


1 dekabr, Fineko/abc.az. Bu il yanvarın 1-nə “Azərbaycan Sənaye Korporasiyası” ASC-nin (ASK) “Ziraat Bank Azərbaycan” ASC-də 3.623 milyon avro depoziti olub.

ABC.AZ-ın məlumatına görə, bu barədə ASK-dən bildirilir.

Məlumata görə, depozit ötən il, illik 1.1%-lə yerləşdirilib.

Xatırladaq ki, ASK 2017-ci ildə dövlət əmlakının idarə edilməsinin səmərəliliyini artırmaq, korporativ idarəetmə prinsiplərinə əsaslanan hesabatlılıq və nəzarət sistemini formalaşdırmaq, dövlətə məxsus müəssisələr arasında əlverişli kooperasiya əlaqələrinin yaradılmasına və istehsal potensialının dəyər zəncirinin həlqələri üzrə artırılmasına nail olmaq məqsədilə yaradılıb. Onun nizamnamə kapitalı 500 milyon manatdır.

“Zıraat Bank Azərbaycan” isə 2014-cü ildə yaradılıb. Onun nizamnamə kapitalı 65.5 milyon manatdır. Bankın səhmlərinin 99.98%-i Türkiyənin “Ziraat Bank”ına, 0.01%-i “Zıraat Sıgorta” şirkətinə, 0.01%-i isə “Ziraat Yatırım Menkul Değerler” şirkətinə məxsusdur.

Bütün xəbərlər