Altı ayda SOCAR rəhbərliyindəki 10 vəzifəliyə 850 min manat ödənilib

14:52 - 4.12.2023


4 dekabr, Fineko/abc.az. 30 iyun 2023-cü il tarixində başa çatan altı ay ərzində SOCAR-ın baş rəhbərliyə ödənişlər açıqlanıb.

ABC.AZ-ın məlumatına görə, sözügedən dövrdə baş rəhbərliyə cəmi ödənişlər 850 min manat təşkil edib.

Bu barədə şirkətdən bildirilib və qeyd edilib ki, 30 iyun 2022-ci il tarixinə ödənişlər 860 min manat olub.

Qrupun baş rəhbərliyinə SOCAR-ın Prezidenti, birinci Vitse-prezident və doqquz Vitse-prezidenti daxildir. Qrupun baş rəhbərliyinin bütün üzvləri Azərbaycan Respublikasının Prezidenti tərəfindən təyin edilir. Baş rəhbərliyin üzvləri təsdiqlənmiş əmək haqqı cədvəlinə uyğun olaraq əmək haqqı və mükafatlar, eləcə də Qrupun müəyyən şirkətlərində Direktorlar şurasının üzvləri olduqlarına görə ödənişlər almaq hüququna malikdirlər.

Bütün xəbərlər