Rusiya Avropaya LNG tədarükündə tarixi rekord göstərdi

15:19 - 4.12.2023


4 dekabr, Fineko/abc.az. Noyabr ayında Rusiyanın Avropaya LNG ixracı 1,75 milyon ton təşkilb edib ki, bu da tarix boyu ən yüksək göstərici hesab edilir. Çinə tədarük isə xeyli azalıb.

ABC.AZ xəbər verir ki, ümumilikdə, Rusiya Federasiyasından LNG-nin noyabr ayı üzrə ixracı illik maksimumdan bir qədər aşağı olmaqla, ən yüksək səviyyədədir (2,914 milyon ton).

Yanvar-noyabr aylarında Rusiya Federasiyası 29,12 milyon ton LNG ixrac edib ki, bu da əvvəlki ilə nisbətən 2,5% azdır. Analitiklər Rusiyadan LNG tədarükünün yenidən istiqamətləndirilməsini Panama kanalındakı tıxaclarla izah edirlər. Bu da Rusiya Federasiyası da daxil olmaqla daha qısa nəqliyyat yolu olan ixracatçıların Avropa bazarını Asiyadan üstün tutmasına səbəb olmuşdu.

Bütün xəbərlər