Azərbaycan sudan səmərəli istifadə ilə bağlı bu ölkənin təcrübəsini öyrənəcək

17:24 - 7.12.2023


7 dekabr, Fineko/abc.az. Birləşmiş Krallıq Azərbaycana su və torpaq ehtiyatlarının effektiv və səmərəli idarə edilməsi üzrə təcrübəsini təqdim edəcək.

ABC.AZ Apa-ya istinadən xəbər verir ki, bu barədə Bakıda keçirilən Azərbaycan Hökuməti ilə Böyük Britaniya və Şimali İrlandiya Birləşmiş Krallığının Hökuməti arasında iqtisadi əməkdaşlıq üzrə Birgə Hökumətlərarası Komissiyanın 6-cı iclasının protokolunda qeyd olunur.

Bundan başqa, protokolda torpaq analizi, tədarük zənciri məlumatlarının idarə edilməsi, gübrə-pestisidlərin istifadəsi, suvarma və pilotsuz uçuş aparatları (UAV) və ağıllı təsərrüfatlar və bio və nanotexnologiyaların tətbiqi də daxil olmaqla sektorun davam edən müasirləşdirilməsini dəstəkləmək üçün aqrotexniki innovasiyalar sahəsində əməkdaşlıq imkanlarının müzakirə edilməsi məsələləri də əksini tapıb.

 

Bütün xəbərlər