11:23 - 15.01.2024

---

15 yanvar, Fineko/abc.az. Rusiyanın Sankt-Peterburq yaxınlığındakı “Wildberries” anbar kompleksindəki yanğından dəyən ziyan 17 milyard rubl və ya marketplace-in ümumi mal mübadiləsinin təxminən 1%-ni təşkil edə bilər.

ABC.AZ xəbər verir ki, yaxın gələcəkdə Wildberries malları yanan satıcıların itkisini kompensasiya etməli və sifarişləri almayan alıcılara pullarını geri qaytarmalıdır. Bu, bazar iştirakçılarının dediyi kimi, ay yarımdan üç aya qədər davam edəcək.

Lakin çətini, yanmış anbarın əvəzinə yenisini axtarmaq olacaq. Malların çatdırılma müddəti arta bilər, “Wildberries” isə dövriyyənin bir hissəsini itirə bilər.

Şənbə günü səhər Sankt-Peterburqun Puşkin rayonunda (Rusiya) Moskva şossesindəki Wildberries anbar kompleksində yanğın olmuşdu.