14:16 - 22.01.2024

---

22 yanvar, Fineko/abc.az. Rusiya bu ilin yay ayında Xəzəryanı dövlətlərlə birgə Xəzər dənizində ilk kruiz marşrutunu işə salmağa hazırdır.

ABC.AZ Apa-ya istinadən xəbər verir ki, bu barədə Rusiyanın iqtisadi inkişaf nazirinin müavini Dmitri Volvaç bildirib.

Onun sözlərinə görə, “Böyük Volqa Yolu” layihəsinə Azərbaycan, İran, Qazaxıstan və Türkmənistan daxil olacaq.

D.Volvaç bildirib ki, hazırda Həştərxanda rusiyalı və xarici turistlərin Xəzər dənizi ətrafında dəniz səyahətinə çıxa biləcəkləri kruiz gəmisinin tikintisi başa çatdırılır.

Bir müddət əvvəl bildirilmişdi ki, gəminin dəniz sınaqları yalnız 2024-cü ilin payızına planlaşdırılıb.