17:03 - 21.02.2024

---

21 fevral, Fineko/abc.az. 2023-cü ildə pərakəndə ticarət dövriyyəsinin həcmi 35572,9 milyon manat olub. Qeyri-dövlət sektorunun təsərrüfat subyektləri tərəfindən satılmış məhsulların həcmi əvvəlki ilin səviyyəsini 7,7 faiz üstəliyərək 35 milyard 504,7 milyon manat təşkil edib.

ABC.AZ Bakı Şəhər Statistika İdarəsinə istinadən xəbər verir ki, bu 2022-ci ilə nisbətən müqayisəli qiymətlərlə 7,6 faiz çoxdur.

2023-cü ilin yanvar-dekabr aylarında pərakəndə ticarət şəbəkəsində satılmış ərzaq məhsulları, içkilər və tütün məmulatlarının dəyəri 2022-ci ilin yanvar-dekabr aylarına nisbətən 2,3 faiz artaraq 20695,0 milyon manata, qeyri-ərzaq məhsullarının həcmi isə 16,0 faiz artaraq 14877,9 milyon manata bərabər olub.