17:11 - 21.02.2024

---

21 fevral, Fineko/abc.az. 2024-cü ildə Avropada 350-yə yaxın yeni otel açılacaq.

ABC.AZ xəbər verir ki, 2024-cü ildə 48,600 otaqlıq daha 350 otel, 2025-ci ildə isə 52 min otaqlıq 383 otel istifadəyə veriləcək.

Məlumatda əlavə edilir ki, layihələr arasında orta, yüksək və premium səviyyəli otellər üstünlük təşkil edir.

Böyük Britaniya və xüsusilə London Avropada yeni otellərin həcminə görə liderliyini saxlayır. Krallıqda 322 layihə, o cümlədən paytaxtda 77 layihə hazırlanır. Onlardan 44 min nömrə Böyük Britaniyanın, 13 700-ü isə Londonun payına düşür.
İkinci yerdə Almaniya, ardından Fransa (127 otel/14.200 otaq), Türkiyə (118 otel/17.800 otaq) və Portuqaliya (114 otel/13.900 otaq) gəlir.
Şəhərlər arasında Londondan sonra 8900 otaqlı 53 otel ilə İstanbul gəlir.