Mərkəzi Bankdan "Premium Bank" ilə bağlı GÖSTƏRİŞ

15:51 - 26.02.2024


26 fevral, Fineko/abc.az. Mərkəzi Bank tərəfindən “Premium Bank” ASC ilə bağlı “məcburi sərəncam” göstərişi verilib.

ABC.AZ xəbər verir ki, Mərkəzi Bankın yaydığı məlumata görə, “Premium Bank” ASC tərəfindən xarici valyutada likvidliyin örtülmə əmsalının düzgün hesablanmaması nəticəsində yanvar ayının sonuna Mərkəzi Banka təqdim edilən hesabatda Mərkəzi Bankın “Banklarda likvidlik riskinin idarə edilməsi Qaydası”nın 7.2-ci bəndi ilə müəyyən edilmiş həddən yuxarı saxlanması tələbini təmin etmədiyinə görə “Banklar haqqında” Azərbaycan Respublikası Qanununun 47-ci maddəsinin tələblərini rəhbər tutaraq Mərkəzi Bank tərəfindən “Premium Bank” ASC-yə bu sahədə daxili nəzarət sistemlərinin təkmilləşdirilməsi ilə bağlı icrası məcburi sərəncam verilib.

Bütün xəbərlər