Avropa Bankı "Azərenerji"yə kredit ayıracaq

11:34 - 27.02.2024


27 fevral, Fineko/abc.az. Avropa Yenidənqurma və İnkişaf Bankı (AYİB) “Azərenerji”yə 30 milyon ABŞ dolları həcmində kredit ayıracaq.

ABC.AZ Apa-ya istinadən xəbər verir ki, bu barədə AYİB-dən bildirilib. Məlumata görə, sözügedən kredit Azərbaycanda fəaliyyət göstərən dörd yarımstansiyada gücləndirmə işləri üçün avtotransformator avadanlığının alınmasının maliyyələşdirilməsinə yönəlib. Bildirilib ki, layihə Azərbaycanda bərpa olunan enerji imkanlarının inteqrasiyası üçün tələb olunan enerji sisteminin çevikliyini təkmilləşdirməyə kömək edəcək. Burada borcalan qismində Maliyyə Nazirliyi, layihənin icraçı qurumu qismində “Azərenerji” çıxış edir.

Xatırladaq ki, AYİB bu günədək Azərbaycana 189 layihə çərçivəsində 3.624 mlrd. avro həcmində investisiya yatırıb və sözügedən həcmin 83.6 %-i (3.024 mlrd. avro) borc götürənlər tərəfindən artıq mənimsənilib.

Bütün xəbərlər